काठमाडौं – भुकम्पमा परी गम्भिर घाइतेहरूलाइ उपचारका लागि काठमाडौं ल्याइदैँछ ।
नेपाल प्रहरीका अनुसार सो भुकम्प परी घाइतेहरू मध्ये ७ जनालाई नेपाल एअरलाइन्सवाट उडानद्वारा काठमाडौं ल्याइदै गरिएको हो ।
गएराती जाजरकाेटलाइ केन्द्रबिन्दु बनाएर गएकाे भुकम्पमा परी अहिलेसम्म १३८ जनाकाे मृत्यु भइसकेकाे छ भने ८५ जना घाइते भएका छन्।
जाजरकोटमा मात्र भुकम्पबाट मर्नेको संख्या १ सय पुगेको छ भने घाइतको संख्या १ सय ५ जना पुगेको छ।
गए राति ११ः४७ बजे जाजरकोटको बारेकोट गाउँपालिका–१, रामीडाँडा केन्द्र विन्दु भइ ६ दशमलव ४ रेक्टरस्केलको भुकम्प गएको थियो।
भूकम्पबाट जाजरकोट र रुकुम पश्चिममा ठूलो धनजनको क्षति भएको छ।
अहिले पनि उद्धार कार्य जारी छ । उद्धार कार्यमा ८५९ जना सुरक्षाकर्मी परिचालन गरिएको छ ।
