३ नम्बर पुलमा बस र ट्रक ठोक्किँदा हेटौंडाका थापा सहित ३ जनाको मृत्यु, २७ जना घाइते, ७ को अवस्था गम्भीर

हेटौंडा – पूर्वपश्चिम राजमार्ग अन्तर्गत बाराको जीतपुरसिमरा उपमहानगरपालिका वडा नं.२२ स्थित ३ नम्बरपुलमा बस र ट्रक एकआपसमा ठोक्किँएर दुर्घटना हुँदा तीन जनाको मृत्यु भएको छ भने २७ जना घाइते भएका छन् । ती मध्य ७ जनाको अवस्था गम्भीर रहेको छ ।

ट्रक चालक तनहुँ, पिपरटार बस्ने २८ बर्षीय पुर्ण गुरूङ, बस चालक हेटौंडा उपमहानगरपालिका–३ बस्ने ४० बर्षीय हरि शम्सेर सुयाल थापा र नाम, थर वतन नखुलेको अन्दाजी ३५ बर्षीय पुरूष ब्यक्ति मृत्यु भएको जिल्ला प्रहरी कार्यालय बाराले जानकारी दिएको छ । प्रहरीका अनुसार उनीहरुको उपचारको क्रममा हेटौंडा अस्पतालमा मृत्यु भएको हो ।

बारा प्रहरीका अनुसार बुधबार बिहान २ बजेको समयमा काकडभिट्टाबाट काठमाण्डौ तर्फ जादै गरेको बा.३–००१ख २५८७ नम्बरको बस र हेटौंडाबाट पथलैयातर्फ जादै गरेको ना ७ ख ७३०० नम्बरको ट्रक एकआपसमा ठोक्किएर दुर्घटना भएको हो ।

गम्भीर घाइते भएका बन्दिपुर गाउँपालिका–६ बस्ने १७ बर्षीय तेज कुमार गुरूङ, ईटहरी उपमहानगरपालिका–४ बस्ने ४० बर्षीय सुरेन्द्र गौतम, उनको श्रीमती ३५ बर्षीया सम्झना गजुरेल, उनकै छोरी १२ बर्षीया सोराय गौतम, छोरा ३ बर्षीय सोडनेम गौतमको हेटौंडा अस्पतालमा उपचार भइरहेको प्रहरीले जनाएको छ ।

प्रहरीका अनुसार हेटौंडामा उपचार सम्भब नभएपछि सुन्सरी भाति गाउँपालिका–२ बस्ने ३० बर्षीय खिलराज दुलाल र बसको सहचालक झापा दमक बस्ने ३५ बर्षीय कोनगेन्द्रको उपरेतीलाई थप उपचारका लागि पुरानो मेडिकल कलेज चितवन रिफर गरिएको छ ।

त्यस्तै दुर्घटना परी घाइते भएकाहरु मध्ये २० जनाको कार्की मेडिक्ल अमलेखगञ्जमा उपचार भईरहेको प्रहरीले जनाएको छ । घाइते भएकाहरुको नामावलीहरुः–