हेटौंडा – खुकुरी प्रहार गरी हत्या गरेको अभियोगमा एक जना पक्राउ परेका छन् । धनकुटा छथरजोरपाटी गाउँपालिका–३ काजिमाने पिङडाडा बस्ने ६२ वर्षीय भगिश्वर लिम्बुलाई धारिलो हतियार खुकुरी प्रहार गरी हत्या गरेको अभियोगमा एक जना पक्राउ परेका हुन् ।
पक्राउ पर्नेमा छथरजोरपाटी गाउँपालिका–३ काजिमाने पिङडाडा बस्ने ४० वर्षीय तेज बहादुर लिम्बु रहेका छन् । प्रहरीका अनुसार आफ्नै घरमा बसिरहेका भगिश्वरलाई तेजबहादुरले खुकुरी प्रहार गर्दा मृत्यु भएको थियो ।
प्रहरी चौकी छथरजोरपाटीबाट खटिएको प्रहरीले तेज बहादुरलाई खुकुरी सहित बुधबार बिहान पक्राउ गरेको हो । उनीमाथि प्रहरीले थप अनुसन्धान गरिरहेको जनाएको छ ।
